Quant je fus prins ou pavillon, Charles d'Orléans

Quant je fus prins ou pavillon

De ma dame tres gente et belle,

Je me brulé a la chandelle

Ainsi que fait le papillon.

Je rougis comme vermillon

Aussi flambant qu'une estincelle

Quant je fus prins ou pavillon

De ma dame tres gente et belle.

Si j'eusse esté esmerillon

Ou que j'eusse eu aussi bonne aille

Je me fusse gardé de celle

Qui me bailla de l'esguillon.

Charles d'Orléans, Quant je fus prins ou pavillon (version originale)